Kaos på jernbanestasjonen
- Det freistar ikkje å køyre bil til Voss lenger, seier Mona Gjesdal Nesse. Familien er ein av svært mange som skal til Voss cup i helga.
På grunn av raset er E16 stengt mellom Bergen og Voss. 10.000 menneske er forventa å samla seg til Voss cup i helga, og fleire har derfor frykta lange køar på omkøyringsvegane.
Følg biltrafikken direkte her.
Slik er omkjøringsveiene
Mange familiar satsa derfor heller på tog i 15-tida fredag.
— Eg har ikkje lyst til å køyre bil der meir. Vi har køyrd den strekninga fleire gonger, men no freistar det ikkje, seier Mona Gjesdal Nesse frå Seim i Nordhordland. Saman med trillingane Dina, Simon og Julian (11) skal dei til Voss cup for tredje året på rad.
Kampen byrjar klokka 19.00, så dei passa på å vere litt tidleg ute.
Les også:
Geologen: – Jeg vet ikke hvor mange dager det tar før E16 blir åpnet
— Eg måtte ta meg fri frå jobb, og er litt stressa no, men eg vil nok roe meg ned når vi er på toget, seier Gjesdal Nesse.
Familien vurderte ikkje å droppe cupen då dei høyrde om raset.
— Ungane hadde nok blitt veldig skuffa viss cupen blei avlyst. Det er høgdepunktet dette her, seier ho.
— Kjenst det tryggare med tog?
— Ja, det gjer det. Det er kjempeekkelt med rasfare langs vegane, og særleg så nærme Voss cup. Dei bør absolutt vurdere å leggje tunnel, slår Gjesdal Nesse fast.
Les også:
Slik kan ny E16 bygges raskere
Kaos på jernbanestasjonen
Når BT besøkjer Bergen jernbanestasjon i 15-tida, er det fullstendig kaos.
— Køane er som vi forventa. Det er sjeldan vi ser så mykje kø, seier salsvert i NSB, Arild Opsahl.
— Vil alle få plass?- Ikkje alle. Sjølv om vi har sat inn ekstra tog samt ekstra ledd på lokaltoga, vil det bli ståplass og første mann til mølla, seier Opsahl.
Konduktør i NSB, Einar Rosvold, fortel at dei har sat inn ekstra mannskap på NSB denne dagen.
— Det er ikkje uvanleg at vi må sette inn ekstratog, då det ofte rasar langs desse vegane. Men vi merker også pågang ved flystreik og liknande, seier Rosvold.
Les også:
Hotella i Voss tilbyr gratis overnatting
— Tenkte tog var lurare
Familien Gjesdal Nesse var ikkje den einaste familien med retning Voss cup denne helga. Familien Vattekar frå Bergen kom i god tid for å få plass på toget til Voss.
— Eg måtte ta fri etter lunsj, seier far Geir Erik Vattekar.
Familien Vattekar hadde eigentleg tenkt å køyre, men tenkte at det var lurare med tog for å rekkje den første kampen.
— Vi turte ikkje ta nokon sjanse med tanke på trafikken, då vi høyrde det kunne bli mykje kø, seier Vattekar.
Borna Erlend (7), Lars (7), Matilde (9) og Milla (8) har gleda seg stort til helga.
— Ungane hadde nok blitt veldig leie seg om det blei avlyst, så no gler dei seg veldig, seier han.
Les også:
Setter inn ekstra togvogner
— Tog kjennest både raskare og tryggare
Også familien Jote valde kollektiv transport framfor bil.
— Vi er førebudd på ståplass, og gler oss for det, seier mor Chu Chu.
Det er deira andre tur til Voss cup, og dei skal rekkje kamp klokka 19.
— Tog kjennest både raskare og tryggare, seier ho.
Les også: