Provoserande russelåt måtte fjernast

Russebuss med truende sangtekst retta mot to unge politikere.

Denne artikkelen er over syv år gammel

Utsegn som «Fuck deg, Gadolin, vi vet hvor du bor» og «Du har all grunn til å stresse, vi har sporet opp din kjerrings adresse» har skapt kraftige reaksjoner.

Saken var først omtalt i BA

Mot nedlegginga av Fana gymnas

Songen, som tilhøyrer russegruppa Five Points 2017, vart publisert måndag kveld på musikktenesta Sound Cloud. Etter truande utsegn mot leiar i opplæringsutvalet, Emil Gadolin, er songen fjerna.

Fylkesrådsrådmann Rune Haugsdal fortel til NRK Hordaland at han reagerer sterkt på det han ser på som ein reaksjon på vedtaket om å legge ned Fana gymnas i fjor.

– Me oppfattar dette som sjikane og meiner det kan tolkast som ein trussel, og meiner det er heilt uakseptabelt, sier Haugsdal til NRK.

Kalla inn til møte

Fleire av medlemma i russegruppa er elevar ved Nordahl Greig vidaregåande skule. Tidligare i dag vart vedrørande elevar kalt inn til møte med rektor, Leif Sigurd Danielsen.

– Me i leiinga tykkjar ikkje noko om innhaldet i songen, og bad russegruppa fjerne låta, samt beklage seg ovanfor dei to nemnde politikarane, seier Danielsen.

– Ikkje vondt meint

BA har vore i kontakt med eit av medlemma på bussen.

– Me er lei oss for at innhaldet har støta nokon, det var langt i frå vondt meint. Låta vil bli korrigert og lasta opp på nytt, fortel medlemmet til BA.