Så mange er smitta i Vestland

Her er BTs oversikt over koronasmitta i Vestland fylke.

Denne artikkelen er over fire år gammel

Informasjonen i artikkelen kan være utdatert. Gå til vårt livesenter for siste nytt om korona-utbruddet.

-> Gå til livesenteret

BT oppdaterer ikke lenger denne oversikten fordi få blir testet og mørketallene er så store at oversikten blir upresis.

BT oppdaterer oversikta over registrerte koronasmitta i Vestland fortløpande.

Laurdag fekk Voss sitt første smittetilfelle.

I ei pressemelding skriv Voss herad at det ikkje er grunn til å tru at vedkomande har vore i kontakt med andre enn sjukepleiaren som utførte testen.

Vedkomande bur ikkje på Voss, men har vore i kommunen, ifølgje pressemeldinga.

I Bjørnafjorden blei det også bekrefta to nye tilfelle laurdag. Der er totalt tre personar smitta av viruset.

Spreidde seg til tre kommunar fredag

Like før helga blei viruset påvist i tre nye kommunar i Vestland – Alver, Etne og Luster.

I Bergen er så langt 93 personar registret smitta, etter siste oppdatering søndag ettermiddag.

Totalt er det 124 personar som har testa positivt for koronavirus i Vestland fylke.

• Vil du ha de viktigste nyhetene om virusutbruddet rett i innboksen? Meld deg på her.

Luster: Testa først negativt

Personen som testa positivt i Luster hadde først fått negativt svar på virustesten.

– På grunn av vedvarande symptom valde vi å gjere ein ny test torsdag. Den var positiv, fortel kommunelege Knut Cotta Schønberg.

Vedkomande hadde vore på reise i eit område som viste seg å vere smittefarleg etter heimreise til Luster. Det blei raskt avgjort å setje personen i karantene.

– Personen har vore isolert heile vegen, fortel kommunelegen.

To personar smitta i Alver

I Alver i Nordhordland arbeider kommunen med å få oversikt over kven dei to smitta har vore i kontakt med.

– Vi har starta arbeidet med å kartlegge kontaktar, seier ørdførar Sara Sekkingstad (Sp) fredag kveld.

Kommunen opplyser ikkje om dei to har blitt smitta i Noreg, eller om dei har vore i utlandet.

Første tilfelle i Etne

Etne meldte seint fredag kveld at dei har fått sitt første tilfelle. Der skal personen ha blitt smitta her i Noreg.

Tilstanden til personen er svært god, melder kommuneoverlege Elisabeth Gunleiksrud på Etne sine nettsider.

Sett vekk ifrå Bergen er det Øygarden og Stryn som så langt har blitt hardast råka av viruset, med ni og seks tilfelle.