Hamas sa dei ville ha fred. Men det viste seg å vere ein bløff.

Krigen på Gaza-stripa går inn i eit nytt grufullt kapittel.

Israel har starta bakkeoffensiven av Rafah – grensebyen til Egypt, der meir enn éin million sivile har flykta til frå andre deler av Gaza.

USA har i fleire månader forsøkt å få Israel vekk frå tanken om å invadere Rafah. Der er det så tettpakka med folk at eitkvart angrep vil ha stor risiko for å råke sivile.

Israel har eigentleg eit ansvar for å unngå det.

Forhandlingane om våpenkvile har vore intense den siste tida. Så sa plutseleg Hamas måndag at dei hadde godteke avtaleutkastet.

Mange på Gaza-stripa jubla. Rafah kunne sleppe invasjonen. For Israel hadde allereie signalisert at dei ville godta våpenkvila.

Men jubelen var forgjeves. Hamas bløffa, Israel gjekk til angrep.