Ungdomskriminaliteten skyt i vêret. Det stiller krav – også til oss i media.

Avisene peikar på skulen, politiet og politikarane. Men vi har ein jobb å gjere sjølv òg.

Sjå det for deg: Du, ein tenåringsforelder i bergensområdet, sit på jobb ein vanleg onsdag. Du vurderer dagens siste kaffikopp og lurer på om det finst noko småarbeid du kan fikse på tampen av arbeidsdagen.

Då ringjer mobilen. Det er politiet. Dei har pågripe sonen din og seier han knivstakk ein tenåring på naboskulen.

Når du legg på, blinkar varsla frå BT, BA, VG, NRK og TV 2 mot deg på skjermen. Eit barn har blitt valdsmann. Ein familie er i sjokk. Og så skal avisene dekkje det heile – minutt for minutt?