Stoltenberg samanliknar krigane til Hitler og Putin. Med god grunn.

Det var ikkje rom for kompromiss i okkupasjonen av Noreg. Det er det heller ikkje i Ukraina.

Arendalsuka er ein festival for nerdar. Og alle store festivalar har store stjerner på programmet. Årets største var Nato-sjef Jens Stoltenberg.

I ei alternativ verd, kunne han ha vore i Arendal for å presentere nok ei renteheving som sentralbanksjef. Torsdag var han her for ein times samtale med presseveteran Harald Stanghelle.

Mottakinga var nokre hakk meir entusiastisk, enn det han ville fått på rentemøtet.

For det var verkeleg stjernestemning i salen. I starten kunne Stoltenberg knapt avslutte ei setning, før det kom latter og applaus. Det var sjølvsagt før temaet krinsa inn på krigen i Ukraina.