Gløym lønsoppgjeret. Det er USA som styrer norsk rente.

Og det går ikkje bra.

Natt til torsdag kom det nye inflasjonstal frå USA. Dei var dårleg nytt for den som drøymer om lågare renter i Noreg.

Prisane i USA steig meir enn venta, for tredje månad på rad. Sagt på ein annan måte: Den amerikanske sentralbanken slit med å få ned inflasjonen.

Rentekuttet i juni er no langt på veg avlyst. Tungvektarar som Bank of America og Deutsche Bank spår at det første kuttet blir flytta til desember.

Det som no skjer i USA vil få følgjer for renta her i landet.