SV kvittar seg med den einaste i partiet som kan noko om økonomi

Kari Elisabeth Kaski har gjort SV meir truverdig. No er ho pressa ut.

Æ drømme at vi får en vår
da undertrøkkinga på jorda stanse.
Ei ny tid kommer sjøl om fjellan står,
og det bli like fint å jobbe som å danse.

Elinors vise (SVs uoffisielle kjenningsmelodi)

Då eg byrja å følgje med på nyheiter og politikk på 1970-talet, var SV landets mest irriterande parti.

Av ein eller annan grunn likte eg mykje av den menneskekjære politikken, trass i at resten av familien og slekta stort sett var Høgre-folk.

Men det var vanskeleg å argumentere mot min direktør-far, når han peikte på mangelen på økonomisk realisme i politikken.

Det verka rett og slett ikkje som partiet brydde seg om kva som let seg gjennomføre eller som ville fungere i praksis over tid. Retorikken var godhjarta, men naiv.