Bård var hekta på doping. – Du føler deg uovervinneleg.

No vil han åtvare dei unge.

Sveitten har så vidt byrja å piple fram på panna til Bård Havneraas. Han rykker til, og løftar 150 kilo opp frå golvet.

– Eg hugsar første gong eg løfta 200 kilo i markløft. Eg hang ut vindauget på helsestudioet og ropte det til kameraten min nede i gata.

Havneraas er sjef for Bjørgvin Styrkeløft Klubb, ein av dei største klubbane i Bergen. Han er opptatt av treningsglede, og at dei som trenar der skal ha eit sunt forhold til kosthald og trening.

Han veit kva det kostar å velje ein snarveg til store musklar.