Håvard og broren Kristoffer mista lappen etter å ha røyka hasj. I sitt siste brev kom broren med ei bøn.

I halvørska tar Håvard Røneid telefonen som dirrar på nattbordet. Han bråvaknar då han ser namnet på skjermen.

19-åringen trykker på svarknappen og høyrer at faren hikstar i andre enden. Han kjenner eit søkk i magen, og hjartet som hamrar i brystet.

Berre dei som har opplevd noko heilt grufullt høyrest slik ut, tenkjer han, før faren har rokke å seie noko.